ليه أنتظر صبح وصالك ماهو فيه ..!
طيب إذا ما كان لي صبح و أحباب
ليه أنتظر صبحً وصالك | ماهو فيه !
يمكن على ذكراك و الباب | بالباب
كذا الصباح أحبّ وصله و طاريه .
أيام كنّا نشعل الصبح بأهداب
طاحت سهر مابين حاضر و لبيه .
أيام كنّا ما حسبنا لها حساب
وش يجني العاشق سوى فقدّ غاليه !
وينك صباحي بعد فرقاك ما جاب
إلا صورك و ذكرياتك و ماضيه .
أبستمر يعني كذا غياب بـ غياب
والله كذا يأسرني الحزن و التيه .
يا أول قصيدة صبح في صفحة كتاب
شعري و غنّاك القصيد و قوافيه .
يا أجمل سبب كانت حصيلته الأعجاب
يوم أمتلا صدر القصايد | مشاريه .
ياما غرقنا دمع , و فراق , و عتاب
ياما و , ياما لكن الله : يخليه !
الحب يجمعنا بلا عذر و أسباب
و الصبح يهدينا المحبّه بأغانيه .
,
اول لشوفك أفتح لقلبي الباب
و اليوم مابه باب يفتح لـ غاليه .
يعني ما دام الصبح في وصل الاحباب
ليه أنتظر صبحً وصالك ماهو فيه !
السبت فبراير 13, 2016 3:00 pm من طرف wael_bakry
