قصيده من أشهر قصائد الرثاء في الشعر النبطي

زارني عقب العشا ( قصيده من أشهر قصائد الرثاء في الشعر النبطي ) لأبن الأجلق !!!!!!

قصيده ( مرثيه ) وهي لشاعر : أبن جلق وهو يرثي زوجته

واتمني انه تنال على رضاكم

زارني عقب العشا طيـف يقـول
إنتبه يا شـوق مثلـك مـا ينـام

لو دريت بما حصل شـي يهـول
كان حاربت الكرى تسعيـن عـام

قلت انا ابسألك في رب الرسـول
وش جرى يا شين من خبث العلام

قال يفداك الغضي زيـن الدلـول
شرب كاسٍ فيه مزجوج الحمـام

قلت راعتك الدواهي مـن يقـول
من تسند عنـه منضـوح الكـلام

قال انا مريت يوم السبت ضـول
عنـد بابـه للرعابيـب ازدحـام

صابني رعبٍ ودزيـت الرسـول
باغـيٍ علـمٍ علـى قلـبٍ تمـام

اسمع امه عند تفصيـخ الحجـول
الخـزاري والاهلـه والـزمـام

تندبه بالصوت واسمعهـا تقـول
ليت اخو وضحا كشف عنها اللثام

شوف عيني يوم قـرب للغسـول
والطوايق فصلوهـن لـه حـرام

فرّن الخفرات ما معهـن عقـول
لاجّـاتٍ بالـمـوادع والـسـلام

ثم شالوها اربعه ما فيهم فحـول
عزوةٍ مـا بيـن خالـه والعمـام

واعبروا بـه للمصلـى للقبـول
كاتفيـنٍ كلهـم خلـف الامــام

يطلبون اللي بعرشه مـا يـزول
روضةٍ قبـره وطيبـا لـه مقـام

في فضـا روضٍ مقـرٍ للسيـول
بين ابن سرين والصحب الكـرام

في جوار الصحب قبلي النـزول
عن حسن بصري وشرقه له مقام

واحفروا له حفرةٍ بالقـاع طـول
قامـةٍ والعـرض شبريـنٍ تمـام

وسدوها عقـب ديبـاج الزلـول
لبنةٍ فـي وسـط مطـوي هـدام

هلهلوا فوقـه حفيـره والتلـول
والنصايب ركزوهـن لـه عـلام

شوف عيني والظبا حوله تجـول
باشـرن قبـره بحـب ألتـمـام

والطيور الطايره من كـل جـول
ظللن قبر الغضـي مثـل الغمـام

والفواخت عقب هذيـك العقـول
يرفعن الصوت هن ويّـا الحمـام

قمت انا رعـبٍ وبادرتـه بقـول
كف يالملعون عن باقـي الكـلام

ما دريت ان القمر لونـه يـزول
كيف يدفـن الوطـا بـدر التمـام

لو رسول الموت تكفيـه البـدول
كان اسوق البيض ادرك للمـرام

كان نرخص له عطياتٍ جـزول
من عزيز المال لو يغلـى مسـام

لو لكم ياللـي تلومونـي عقـول
كان شفتوا حال مثلـي مـا يـلام

كالجرايد ما أقـوم مـن النحـول
ما بقى بي غير روحي والعظـام

يعتني بالحـال ربٍ مـا يـزول
من ثنـا رب عظيـمٍ مـا يـرام

والصلاة لسيـدي طـه الرسـول
ما دعى الله محرمٍ عنـد المقـام

مشكور على المشاركة الابداعية دمت للمنتدى ودام ابداعك تمزق قلبي

» أجزل وأجمل قصائد الرثاء في الشعر العربي
» من اجمل قصائد الرثاء والحكمة
» قصيدة الحزن يقلق من قصائد المتنبي ومن أروع ما قرأت في الرثاء